Edukatoret në Kopshtin Olympia janë përgjegjëse për krijimin e një ambienti të sigurt, të ngrohtë dhe stimulues për fëmijët. Ato ndihmojnë në zhvillimin e tyre intelektual, emocional dhe social përmes aktiviteteve edukative dhe lojërave të strukturuara, duke respektuar metodologjinë e Olympia Education Albania, e cila bazohet në të nxënit përmes natyrës dhe sporteve.
Detyrat dhe Përgjegjësitë Kryesore:
- Organizimi dhe zbatimi i aktiviteteve edukative që nxisin zhvillimin e fëmijëve.
- Kujdesi për mirëqenien fizike dhe emocionale të fëmijëve, duke siguruar një mjedis të sigurt dhe të ngrohtë.
- Nxitja e autonomisë, kreativitetit dhe aftësive sociale përmes lojërave dhe mësimit aktiv.
- Mbajtja e një komunikimi të rregullt me prindërit mbi përparimin dhe nevojat e fëmijëve.
- Bashkëpunimi me kolegët dhe drejtuesit për të përmirësuar vazhdimisht metodologjinë e punës.
- Mbajtja e një ambienti të pastër dhe të organizuar në klasë dhe hapësirat e lojës.
- Vëzhgimi i zhvillimit të fëmijëve dhe përgatitja e raporteve periodike mbi progresin e tyre.
Kualifikimet dhe Aftësitë e Kërkuara:
- Diplomë në Shkenca të Edukimit, Psikologji, Pedagogji ose fusha të ngjashme.
- Eksperiencë e mëparshme si edukatore ose në një rol të ngjashëm.
- Dashuri dhe durim për të punuar me fëmijët.
- Aftësi të shkëlqyera komunikuese dhe bashkëpunuese.
- Aftësi për të organizuar dhe zbatuar aktivitete edukative dhe argëtuese.
- Njohuri mbi metodologjitë bashkëkohore të edukimit të fëmijëve.
- Fleksibilitet dhe aftësi për të punuar në grup.
Përfitimet:
- Ambient pune mbështetës dhe inovativ.
- Mundësi për zhvillim profesional dhe trajnime të vazhdueshme.
- Përfshirja në një vizion të ri edukativ që promovon të nxënit përmes natyrës dhe sporteve.
Nëse jeni të apasionuar pas punës me fëmijët dhe dëshironi të bëheni pjesë e një ekipi energjik dhe vizionar, ju inkurajojmë të aplikoni në info@olympia.al si dhe të kontaktoni në +355 692 87 37 37.
